Се известуваат граѓаните дека од 21.09.2026 до 09.10.2026 год., ЈЗУ Центар за јавно здравје Битола ќе спроведе втора фаза од дератизацијата (поставување отровни мамци против глодари).

Со дератизацијата ќе бидат опфатени:

• Подземниот канализационен систем со ревизионите и прифатните шахти во сите реони на градот;
• Прифатниот канализацијски систем во околината на објекти од посебен јавен интерес: детски градинки, основни, средни и високо образовни институции, домови за сместување и престој на ученици и студенти, домови за сместување на стари и изнемоштени лица, домови за деца без родители и за деца со посебни потреби, медицински установи, јавни претпријатија, банки, објекти од областа на културата, објекти на локалната самоуправа и др.;
• Прифатен канализационен систем на колективните станбени објекти во наведените локации;
• Дератизација на јавната депонија Мегленци и диви депонии во градот.

Што треба да направат граѓаните:

1. Да им овозможат непречен пристап на екипите до шахтите.
2. За време на третманот, да не пристапуваат до означените и заштитени локации каде се поставуваат мамците.
3. Строго е забрането допирање, поместување или отстранување на мамците.
4. Домашните миленици треба да се држат подалеку од местата третирани со мамци.
5. Отпадот од домаќинствата да се фрла исклучиво во контејнерите, а не околу нив.
6. Ако забележите мртов глодар, не го допирајте и не го отстранувајте сами – пријавете во отсекот за ДДД при ЦЈЗ Битола.

Ако горенаведените мерки не се почитуваат, ЦЈЗ Битола не презема одговорност за евентуални несакани последици.

Контакт за прашања: 047 208-100 / 047 208-120