Светскиот ден на физичката активност, кој се одбележува на 10 мај, има за цел да ја подигне свеста за значењето на редовното движење како основа за добро здравје и квалитетен живот.

Во услови на современ, сè повеќе седечки начин на живот, физичката активност претставува еден од најважните фактори за превенција на хронични заболувања и одржување на менталната благосостојба. Според Светска здравствена организација, физичката активност опфаќа секое движење на телото кое троши енергија – вклучувајќи пешачење, спорт, работа во домаќинството и рекреативни активности. [1]

Препораките на Светска здравствена организација укажуваат дека:

• ВОЗРАСНИТЕ лица (150–300 минути неделно) треба да имаат најмалку
  • 150–300 минути умерена активност тоа се активности каде што се движиш, но сè уште можеш да зборуваш пример: брзо одење, лесно возење велосипед, домашни работи, лесен фитнес [2]

или

• • 75–150 минути интензивна активност  (тука веќе дишењето е забрзано и зборувањето е потешко пример: трчање, аеробик, брзо пливање, спортови) [2]

• Практично:

• • • 30 минути брзо одење, 5 дена во неделата = доволно
    • или 3 пати неделно по 25 минути трчање [2]
• ДЕЦАТА и МЛАДИТЕ (60 минути дневно)

• Секој ден (најмалку 60 минути движење, најчесто умерено до интензивно)

• •  Практично
    • играње надвор
    • трчање, фудбал, кошарка
    • возење велосипед
    • скокање, танцување
• Важно
  • барем 3 дена во неделата да има поинтензивни активности (трчање, спорт)
  • да се вклучат и активности за јакнење на мускули и коски [2]

Редовната физичка активност придонесува за намалување на ризикот од кардиоваскуларни заболувања, дијабетес тип 2, одредени видови рак, како и за подобрување на менталното здравје, когнитивните способности и квалитетот на спиењето. [3]

Важно е да се нагласи дека секоја активност е корисна – дури и умерено движење како брзо одење, возење велосипед или домашни активности може значително да го подобри здравјето. [1]

Овој ден нека биде потсетник дека грижата за здравјето започнува со мали чекори. Да избереме активен начин на живот, да се движиме повеќе и да вложиме во сопствената благосостојба.

• ЗАПОМНЕТЕ
• Не мора сè одеднаш – може да се подели во текот на денот (на пр. 3 × 10 минути)
• Секое движење се брои
• Подобро малку отколку ништо
• Континуитетот е поважен од интензитетот

ДВИЖИ СЕ ДЕНЕС – ЖИВЕЈ ПОЗДРАВО УТРЕ!

Референци

x

x