КОИ СЕ НАЈМНОГУ ЗАГРОЗЕНИ?

Грипот може да го зафати секого, но највисок ризик за сериозни компликации имаат:

• Бремени жени

• Деца под 5 години

• Лица над 65 години

• Пациенти со хронични болести

• Имуносупресирани лица

• Здравствени и социјални работници

Грипот може да влоши постоечки болести, да доведе до пневмонија, сепса и хоспитализација.

 СИМПТОМИ

Симптомите на сезонски грип се јавуваат 1–4 дена по изложеност на вирусот и обично вклучуваат:

• Нагла појава на висока температура

• Сува кашлица

• Главоболка

• Болки во мускулите и зглобовите

• Изразена малаксаност

• Воспалено грло и течење на носот

Кај повеќето лица, закрепнувањето настапува во рок од една недела без потреба од медицински третман. Меѓутоа, кај ризичните категории болеста може да се комплицира.

 ПРЕВЕНЦИЈА: ВАКЦИНАЦИЈА

Вакцинацијата против сезонски грип е најбезбедниот и најефективниот метод за превенција.
Вакцините се користат успешно повеќе од 60 години и се обновуваат секоја сезона според циркулирачките соеви на вирусот.

 Годишна вакцинација се препорачува за:

• Бремени жени

• Деца од 6 месеци до 5 години

• Возрасни над 65 години

• Лица со хронични заболувања

• Здравствени работници

Дури и кога не спречува целосна инфекција, вакцината значително ги намалува ризикот од тешки компликации и хоспитализација.

 ДОДАТНИ ПРЕВЕНТИВНИ МЕРКИ

• Мијте раце често и темелно

• Користете марамчиња при кашлање/кивање

• Избегнувајте контакт со болни лица

• Останете дома доколку имате симптоми

• Избегнувајте допирање на лице со немиени раце

 Извор: