Хигиена

Одделението по хигиена и здравствена екологија, санитарно – хигиенската дејност ја остварува преку реализација на Националната годишна програма за јавно здравје во Република Северна Македонија и комерцијални услуги на подрачјето кое го покрива.

Активности во Одделението:

• Следење, спроведување и предлагање мерки за снабдување на населението со безбедна вода за пиење;
• Санитарен надзор над објектите за водоснабдување, над извориштата, резрвоарите, водоводната мрежа и нивната околина во санитарните зони;

• Проценка на здравствената исправност на водата за пиење, квалитетот на отпадните води, површинските води за капење и рекреација, водите од отворени и затворени базени со бактериолошка и физичко-хемиска анализа на водата;
• Следење на отстранувањето на цврстите и течни отпадни материи, надзор над објектите и локациите за отстранување и крајна диспозиција на отпадните материи;
• Проценка на здравствено-еколошкиот ризик на хигиенскиот квалитет на воздухот преку  стационирани седиментатори за аероседимент во Битола и Кичево;
• Проценка на здравствениот ризик од бучавата во животната средина преку мониторинг на бучавата во Битола и Кичево;
• Проценка на безбедноста на прехранбените производи врз основа на анализи извршени во акредитираните лаборатории во Центарот;
• Aнализа на хемиска контаминација на прехранбени производи, со испитување на присуство на резидуи на тешки метали, пестициди и микотоксини;
• Одредување на нутритивната (хранлива) вредност на прехранбените производи врз основа на лабораториските анализи и со користење на таблици за нутритивен состав;
• Анализа на безбедноста на храната наменета за исхрана во стационарните установи со цел превенција на болести поврзани со небезбедна храна;
• Анализа на брисеви од работни површини и предмети за општа употреба;
• Вршење на санитарно-хигиенски увиди на објектите за припрема на храна;
• Следење на биолошкиот квалитет на исхраната на вулнерабилни популациони групи и предлагање на соодветни мерки за подобрување на истата;
• Следење  на нутритивниот статус на популациони групи со антропометриски мерења, следење на растот и развојот на децата и учениците со функција на рана детекција на прекурсори на можни здравствени ризици за појава на хронични незаразни заболувања;
• Здравствено-хигиенски прегледи заради спречување на заразни болести.