Оваа година, ЈЗУ Центар за јавно здравје – Битола се приклучува кон светската кампања за борба против ХИВ/СИДА со јасна порака:Време е да ја трансформираме реакцијата кон ХИВ – со знаење, тестирање и солидарност.

🔴 Што е ХИВ?

ХИВ е вирус што го напаѓа имунитетот. Без терапија може да доведе до СИДА – но денес, со современа терапија, луѓето што живеат со ХИВ можат да имаат целосно нормален живот.ХИВ НЕ е пресуда, но незнаењето може да биде.

📡 Како се пренесува ХИВ?

• Незаштитен сексуален контакт
• Споделување игли или шприцеви
• Од мајка на дете (ако не се користи терапија)
• Контакт со заразена крв

ХИВ НЕ се пренесува со прегратка, поздрав, прибор, вода, воздух или секојдневен контакт.

🛡️ Како да се заштитите?

• Користете кондоми,тестирајте се редовно, не споделувајте игли, информирајте се од точни извори, за лица со висок ризик постои ПрЕП / ПЕП терапии

Превенцијата е моќ – и ја имате во свои раце.

Во ЈЗУ Центар за јавно здравје-Битола, Одделение за епидемиологија преку нашето советувалиште за доброволно, доверливо и анонимно советување и тестирање за ХИВ/СИДА, нудиме:

• Бесплатно и доверливо тестирање за секој што сака — анонимноста е загарантирана;
• Поддршка и советување пред и по тестот;
• Информации за превенција, безбедни практики и правата на лицата што живеат со ХИВ;
• Стручен пристап и дискретност — секој што ќе се јави ќе биде згрижен со најголема доверливост.

📣 Активности на ЈЗУ Центар за јавно здравје Битола– Кампања со вистинско влијание:

Оваа година сме на терен повеќе од кога и да е:

• 🎓 Едукации по училишта

Интерактивни предавања за ХИВ/СИДА, превенција и здрави избори кај младите.

• 🎤 Централен настан – Отворено, достапно и заедно на 1 ви Декември од 10:00 до 12:00 часот на Плоштад Магнолија

Информативен пункт и советување за сите граѓани.

• 🧪 Советувалиште за анонимно и доверливо тестирање

Тука сме за секој што сака да го знае својот статус – бесплатно, анонимно, професионално.

📍 Контакт – ЈЗУ Центар за јавно здравје Битола

📞 Телефон: 047/208-100
🕒 Работно време: 7:00 – 15:00
📌 Адреса: Партизанска бб

❤️ Тестирањето е храброст. Информираноста е заштита.Заштитете се себе — заштитете ги и другите.