Согласно Националната годишна програма за јавно здравје на РСМ, оваа година Институтот за јавно здравје организира четири работилници за здравствени работници, со цел да се подобри препознавањето и упатувањето на жртвите од трговија со луѓе и деца.

Третата работилница се одржа на 19.09.2024 (четврток) во ЈЗУ ЦЈЗ Битола. На работилницата активно учествува:

• Ленче Марковиќ од НВО Отворена порта, со предавање на тема “Вовед во трговијата со луѓе и деца”.
• М-р Надица Тотиќ, истражувач во Институтот за јавно здравје на РСМ, со предавањето “Родова перспектива во заштитата на жртвите на трговија со луѓе”.
• Проф. д-р Елена Ќосевска, раководител во Институтот за јавно здравје на РСМ, која ја презентираше темата “Индикатори за трговија со луѓе и улога на здравствените работници”, заедно со практична вежба.

На крајот на излагањето, присутните имаа можност да погледнат документарен филм под наслов “Излез”/“Way out”, по што следеше дискусија во однос на оваа тема. 

Документарен филм „Излез“/Documentary movie “Way out” (youtube.com)