Бесплатно мерење на шеќерот во крвта (гликемија) по повод Светскиот ден на дијабетесот

По повод одбележувањето на Светскиот ден на дијабетесот  (14 Ноември), ЈЗУ Центар за јавно здравје – Битола со поддршка на Општина Битола, во соработка со Ротари клуб Битола и ОО Црвениот крст Битола организира јавна здравствено-превентивна активност, со цел подигнување на свеста за дијабетесот, важноста на неговото навремено откривање, редовната контрола и превенцијата.

Настанот ќе се одржи на 12 ноември 2026 година (четврток), од 10:00 до 12:00 часот, на плоштадот Магнолија во Битола.

Во рамки на активноста, сите заинтересирани граѓани ќе имаат можност за бесплатно мерење на нивото на шеќер во крвта (гликемија), како и добивање информации за значењето на превенцијата и грижата за сопственото здравје.

Ги повикуваме граѓаните да ја искористат оваа можност, да направат проверка на своето здравје и да дадат личен придонес во подигнувањето на свеста за дијабетесот.

Навременото откривање и редовната контрола се важен чекор кон спречување на компликациите и зачувување на здравјето.

Ве очекуваме!

ЈЗУ Центар за јавно здравје – Битола